Logo

დიაბეტის, ენდოკრინული და გულ-ფილტვის დაავადებების ცენტრი
პოდაგრა -  შარდმჟავას ცვლის მოშლა  ( ჰიპერურიკემია)
2020-10-18 გაზიარება ავტორი: დარინა ღვინიაშვილი

პოდაგრა - შარდმჟავას ცვლის მოშლა ( ჰიპერურიკემია)

                               პოდაგრა -  შარდმჟავას ცვლის მოშლა

                                                    ( ჰიპერურიკემია)

 პოდაგრა ეს არის ქრონიკული დაავადება, იგი წარმოადგენს  ართრიტის ერთ-ერთ ფორმას. სხვა ტიპის ართრიტების მსგავსად, იწვევს სახსრების ტკივილსა და შეშუპებას. პოდაგრა ვითარდება პაციენტებში, რომელთაც აქვთ ჰიპერურიკემია. ჰიპერურიკემია მდგომარეობაა, რომლის დროსაც სისხლში იმატებს ნივთიერება შარდმჟავა - ურატები.  ურატები სხეულის სხვადასხვა ნაწილში ქმნიან კრისტალებს, რაც  შემდგომ იწვევს ჩივილების განვითარებას. ჰიპერურიკემიის მქონე პაციენტთა დაახლოებით ერთ მესამედს შეიძლება არ განუვითარდეს პოდაგრა.  დაახლოებით ორ მესამედს არ აქვს ჩივილები, ჩივილები იწყება მაშინ როცა  შარდმჟავა კრისტალების გამო ვითარდება ანთებითი ცვლილებები სახსრებში და  თირკმელში ყალიბდება კენჭები და ვითარდება  თირკმელთან დაკავშირებული სხვა პრობლემები.

 პოდაგრის განვითარების რისკის ფაქტორებია:

  • სიმსუქნე;
  • მაღალი არტერიული წნევა;
  • თირკმლის ქრონიკული დაავადება;
  • ჭარბი კვება ან ხანგრძლივი მარხვა;
  • ალკოჰოლის დიდი რაოდენობით მოხმარება, განსაკუთრებით - ლუდი, ვისკი, ჯინი, არაყი, რომი;
  • დიდი რაოდენობით ხორცისა და ზღვის პროდუქტების მოხმარება;
  • ისეთი საკვები პროდუქტების მოხმარება, რომლებიც შეიცავენ ფრუქტოზით მდიდარ სიმინდის სიროფს ( არადიეტური გაზიანი სასმელები);
  • ზოგიერთი მედიკამენტი (დიურეტიკები).

პაციენტებს, რომელთაც უკვე დიაგნოსტირებული აქვთ პოდაგრის დიაგნოზი, დაავადების გამწვავება შეუძლია შემდეგ მდგომარეობებს:

  • ჭრილობას ან ოპერაციული ჩარევას;
  • მარხვას;
  • ალკოჰოლს (მათ შორის ღვინის მოხმარებას);
  • ჭარბ კვებას;
  • მედიკამენტებს, რომლებიც ზრდიან სისხლში ურატების დონეს;

ჩივილები:

  • სახსრების ტკივილი, შეშუპება, სიწითლე, დაჭიმულობა.

როგორც წესი, ჩივილები იწყება ერთი სახსრით, თუმცა შეიძლება ერთდროულად გამოვლინდეს რამდენიმე სახსრის ანთებითი ცვლილებებით.

 

 

 

   ქრონიკული  გართულებებია:

  სახსრების დეფორმაცია, განსაკუთრებით - მტევნებისა და ტერფების, კოჭის, იდაყვის სახსრების. თირკმელკენჭოვანი დაავადების განვითარება - თირკმელში ქვების წარმოქმნა, თირკმლის უკმარისობა, გულის იშემიური დაავადება, სტენოკარდია, პერიფერიული არტერიოპათია.    

მკურნალობა:

ხშირად გამოიყენება შარდმჟავას დამაქვეითებელი მედიკამენტები. გარდა მედიკამენტოზური მკურნალობისა დიდი მნიშვნელობა ენიშნება  კვების შეცვლას, კერძოდ, შარდმჟავას მაღალი შეცველობის მქონე პროდუქტის რაციონიდან ამოღებას.

       შარდმჟავას მაღალ შემცველად ითვლება პროდუქტი, რომლის 100 გ-ში შარდმჟავას შემცველობა  400 მგ-ზე მეტია.

 შარდმჟავას საშუალო შემცველად ითვლება პროდუქტი, რომლის 100 გრ-ში შარდმჟავას შემცველობა  100-დან 400 მგ-მდეა .

 შარდმჟავას დაბალ შემცველად ითვლება პროდუქტი, რომლის 100 გრ-ში შარდმჟავას შემცველობა  100 მგ-ზე ნაკლებია.

პროდუქტის დასახელება

შარდმჟავას შემცველობა 100 გ

პროდუქტში

სარდინის ზეთი

480მგ

ხბოს ღვიძლი

460 მგ

კალმახი

297მგ

ტუნა ზეთში

290მგ

ტუნა

257მგ

ქათმის ღვიძლი

243მგ

ოკეანის ქორჭილა

241მგ

ქაშაყი

210მგ

ქათმის მკერდი კანით

175მგ

ორაგული

170მგ

ინდაური კანით

150მგ       

ღორის ხორცი ძვლით

145მგ

ძროხის ფილე

110მგ

შოკოლადი,  ჩაი, კოკა-კოლა

2300მგ

ლუდის საფუარი

1810მგ

საცხობი საფუარი

680მგ

ყაყაჩოს თესლი

170მგ

გამხმარი მზესუმზირის თესლი

143მგ

სოიოს მარცვლები

190მგ

თეთრი ლობიო

128მგ

ოსპი

127მგ

მუხუდო

109მგ

ქიშმიში

107 მგ

 ტკბილის სასმელები

 ფრუქტოზის შემცველი პროდუქტები

 

 

 

  კვებით ცვლილებებს  შეუძლია შეამციროს შარდმჟავას რაოდენობა სისხლში დაახლოებით 15%-ით, მედიკამენტის მიღების გარეშე,  ამასთან ერთად,  შარდმჟავას ცვლის კონტროლს მნიშვნელოვნად აუმჯობესებს წონის კლება, ისევე, როგორც,  ზოგადად,  ჯანმრთელობას.

  გამომდინარე იქიდან, რომ პოდაგრა ქრონიკული, კონტროლირებადი დაავადებაა, მკურნალობის დაწყებიდან მოყოლებული, რეგულარულადაა  საჭიროა  ექიმთან ვიზიტი, რათა შეფასდეს მკურნალობის ეფექტურობა, საჭიროების შემთხვევაში კი შეიცვალოს მკურნალობის ტაქტიკა.