Logo

დიაბეტის, ენდოკრინული და გულ-ფილტვის დაავადებების ცენტრი
რა არის ტიპი 2 შაქრიანი დიაბეტი? - ხშირად დასმული შეკითხვები
2020-10-13 გაზიარება ავტორი: ლალი ნიკოლეიშვილი

რა არის ტიპი 2 შაქრიანი დიაბეტი? - ხშირად დასმული შეკითხვები

რა არის ტიპი 2 შაქრიანი დიაბეტი?


ტიპი 2 შაქრიანი დიაბეტი, არის დაავადება, რომლის დროსაც დარღვეულია გლუკოზის მეტაბოლიზმი. ადამიანის ორგანიზმში, ყველა უჯრედი საჭიროებს გლუკოზას, ნორმალური ფუნქციონირებისთვის. გლუკოზა უჯრედში აღწევს ჰორმონის დახმარებით, რომელსაც ჰქვია ინსულინი. თუ არ გვაქვს საკმაისი ინსულინი, ან ორგანიზმი არ რეაგირებს ინსულინზე სათანადოდ, გლუკოზის დაგროვება ხდება სისხლში.


ტიპი 2 შაქრიანი დიაბეტის დროს, შესაძლებელია გვქონდეს შემდეგი მდგომარეობა:

  • უჯრედები არ რეაგირებენ ინსულინზე
  • არ ხდება საკმარისი ოდენობის ინსულინის სეკრეცია
  • ორივე


რა სიმპტომები ახასიათებს დიაბეტს?


ტიპი 2 შაქრიანი დიაბეტი ძირითადად უსიმპტომოდ მიმდინარეობს, მაგრამ როცა ჩნდება სიმპტომები ძირითადად გვაქვს:

  • შირი შარდვა
  • გაძლიერებული წყურვილი
  • დაბინდული მხედველობა


თუ ტიპი 2 შაქრიანი დიაბეტი არ იწვევს ან იშვიათად იწვევს სიმპტომებს, რატომ უნდა გავამახვილოთ ყურადღება მასზე?


მიუხედავად იმისა, რომ ტიპი 2 შაქრიანი დიაბეტის დროს პაციენტი თავს ცუდად არ გრძნობს, თუ არ ვუმკურნალებთ მას შეუძლია სერიოზული გართულებების გამოწვევა დროთა განმავლობაში.

დაავადებამ შესაძლებელია მიგვიყვანოს შემდეგ მდგომარეობებამდე:

  • გულის შეტევა
  • ინსულტი
  • თირკმლის პათოლოგიები
  • მხედველობის პრობლემები
  • ტკივილი, ან მგრძნობელობის დაკარგვა ხელებსა და ფეხებში
  • კიდურების ამპუტაცია


ტიპი 2 შაქრიანი დიაბეტის დროს რა მკურნალობის გზები არსებობს?


არსებობს ბევრი მედიკამენტი, რომელიც გვეხმარება სისხლში გლუკოზის მაჩვენებლის კონტროლში. ზოგ პაციენტს სჭირდება მკურნალობა, რომელიც ასტიმულირებს ორგანიზმს წარმოქმნას მეტი ინსულინი, ან მკურნალობა რომელიც ეხმარება ინსულინს იყოს მეტად ეფექტური. ზოგ პაციენტს ესაჭიროება ინსულინის ინექციები.


გამომდინარე იქიდან, თუ რა მკურნალობის სქემა აქვს ინდივიდუალურად პაციენტს, ექიმი ადგენს გლუკოზის მონიტორინგის ცხრილს. ზოგ შემთხვევაში, შესაძლებელია პაციენტს ესაჭიროებოდეს დიაბეტის გართულებების საპრევენციო მკურნალობა, მაგალითად ანტიჰიპერტენზიული. მედიკამენტოზური მკურმალობა არ არის ერთადერთი გზა დიაბეტის კონტროლის. ფიზიკური აქტივობა, წონაში კლება, სწორი კვება, მწეველობისთვის თავის დანებება ეხმარება პაციენტს შეინარცუნოს ჯანმრთელობა. ასევე მნიშვნელოვანია სეზონური ვაქცინაცია.


შესაძლებელია თუ არა ტიპი 2 შაქრიანი დიაბეტის პრევენცია?


დიახ, შესაძლებელია. იმისთვის, რომ შევამციროთ დიაბეტი ტიპი 2-ის რისკები აუცილებელია წონის კონტროლი. თუ უკვე გაქვთ აღნიშნული დაავადება, წონის კლება და ფიზიკური აქტივობა მნიშვნელოვნად გააუმჯობესებს მის გამოსავალს.