Logo

დიაბეტის, ენდოკრინული და გულ-ფილტვის დაავადებების ცენტრი
რა არის ფიბრომიალგია?
2020-10-13 გაზიარება ავტორი: ლალი ნიკოლეიშვილი

რა არის ფიბრომიალგია?

რა არის ფიბრომიალგია?


ფიბრომიალგია დაავადებაა, რომელიც ხასიათდება ძვალ-კუნთური ტკივილით, რომელსაც თან ახლავს სისუსტე, ძილიანობა, მეხსიერებისა და ხასიათის გაუარესება.


როდის უნდა მივიტანოთ ეჭვი ფიბრომიალგიაზე?


ფიბრომიალგიის დიაგნოზზე შეიძლება ვიფიქროთ, როცა ძვალ-კუნთური ტკივილი გაფანტულია და გრძელდება > 3 თვე;

ასევე სხვა სიმპტომების თანაარსებობისას, როგორებიცაა:

  • სისუსტე
  • დაღლილი გაღვიძება და გაფანტულობა
  • ხანმოკლე მეხიერების პრობლემები და კონცენტრაციის უნარის დაქვეითება

უნდა გავითვალისწინოთ, რომ დიაგნოზი ისმება ამ სიმპტომების გამომწვევი ყველა სხვა დაავადების გამორიცხვის შემდეგ.


რა შეიძლება იყოს ძვალ-კუნთური ტკივილის გამომწვევი სხვა მიზეზები?


მსგავს ტკივილს იწვევს:

  • რევმატოიდული დაავადებები: რევმატოიდული ართრიტი, შოგრენის სინდრომი და მგლურა - ეს დაავადებები იწყება გენერალიზებული ტკივილით;
  • მენტალური პრობლემები - დეპრესია და შფოთვა;
  • ნევროლოგიური დარღვევები - მაგ. გაფანტული სკლეროზი, მიასთენია;
  • მსგავსი სიმპტომატიკის გამომწვევი ისეთი დაავადებების გამოსარიცხად, როგორიცაა ანემია, ფარისებრი ჯირკვლის დაავადებები, ვიტ დ3-ის დეფიციტი, ელექტროლიტური დისბალანსი, უნდა ჩატარდეს შემდეგი ანალიზები: სისხლის საერთო ანალიზი, ფარისებრი ჯირკვლის ჰორმონები და ვიტ დ3; ელექტროლიტები სისხლში; საჭიროა ასევე კვლევა ძილის აპნოეს გამოსარიცხად


ფიბრომიალგია ხშირად არსებობს სხვა პრობლემებთან ერთად, როგორებიცაა:

  • გაღიზიანებული ნაწლავის სინდრომი;
  • თავის ტკივილი;
  • სახსრების ტკივილი;
  • შფოთვა და დეპრესია;
  • ხშირი და მტკივნეული შარდვა


რა ფაქტორები უწყობს ხელს ფიბრომიალგიის განვითარებას?

  • ფიზიკური და ფსიქოლოგიური სტრესი;
  • გენეტიკური ფაქტორები (ოჯახის წევრი შესაძლოა იყოს ამ დაავადებით დაავადებული);


როგორ ხდება ფიბრომიალგიის მკურნალობა?

  • კანაბიდიოლი - cannabidiol;
  • ტკივილის შემამსუბუქებელი მედიკამენტები: ანტიკონვულსანტები, არასტეროიდული ანთებისსაწინააღმდეგო საშუალებები, ანტიდეპრესანტები;
  • იოგა, აკუპუნქტურა, ჰიპნოზი;
  • ფიზიკური აქტივობა;
  • ჯანსაღი კვება და წონის ნორმალიზება;
  • ძილის მოწესრიგება, ძილის ჰიგიენის დაცვა;
  • ფსიქოლოგის მხარდაჭერა;
  • გარკვეული საკვები პროდუქტები ამწვავებს ფიბრომიალგიას. ესენია: გლუტეინის შემცველი პროდუქტები; წითელი ხორცი, პომიდორი, თეთრი კარტოფილი, მწვანე წიწაკა და გოჯი ბერი, კვერცხი, კოფეინი, რძის პროდუქტები; შემწვარი პროდუქტები და ნაჯერი ცხიმების შემცველი პროდუქტები; მარილისა და შაქრის ჭარბი მოხმარება;
  • საკვები, რაც დადებითად მოქმედებს ფიბრომიალგიაზე: ახალი ხილი და ბოსტნეული, მარცვლეული, ჯანსაღი ცხიმი, დაბალცხიმიანი რძის პროდუქტები, მჭლე ხორცი - განსაკუთრებით თევზი და ქათამი.
  • ექიმის დანიშნულების მიხედვით მიზანშეწონილია გარკვეული სახის ვიტამინებისა და საკვები დანამატების მიღება.